Автомашины хулгайчаас болгоомжлохыг Цагдаагийн ерөнхий газраас анхаарууллаа. Өчигдөр Цагдаагийн ерөнхий газарт хулгайн 22 гэмт хэрэг бүртгэгджээ. Үүний нэлээдгүй хэсгийг автомашины хулгайн гэмт хэрэг эзэлж байгаа талаар албаныхан мэдээллээ.

Тухайлбал, “Овоотын .. тоотоос автомашины аккумлятор алдлаа” гэсэн дуудлага өчигдөр цагдаагийн газар ирсэн байна. Дуудлагын дагуу шалгахад,  “Kia Fronter” автомашины аккумляторыг 46 настай А гэгч хулгайлсныг үйлдэл дээр нь илрүүлжээ. Тус хэргийг Сонгинохайрхан дүүргийн цагдаагийн I дүгээр хэлтэс шалгаж байгаа аж.

Мөн  “66-р байрны гадна байсан автомашины хучлага 03:00-03:40 цагийн хооронд алдагдсан байна” гэсэн мэдээлэл ирсэн байна. Мэдээллийн дагуу шалгахад,  “Hyundai Sonata-6” автомашины гурван хучлагыг Ц гэгч бусадтай бүлэглэн хулгайлсныг илрүүлжээ. Уг хэргийг Сонгинохайрхан дүүргийн цагдаагийн I дүгээр хэлтэс шалгаж байгаа юм байна.